Afmæliskveðja frá Golfklúbbi Oddfellowa

Hr. formaður Kári Sölmundarson.

Golfklúbbur Oddfellowa óskar Golfklúbbnum Oddi hjartanlega til hamingju með 30 ára afmælið og óskar honum allra heilla og velfarnaðar í því mikilvæga stórverkefni sem framundan er um stækkun Urriðavallar.

Jafnframt er þakkað fyrir það mikla, góða og ómetanlega starf sem GO hefur unnið allt frá stofnun í þágu golfíþróttarinnar, GOF og eiganda vallarins Styrktar- og líknarsjóðs Oddfellowa og Oddfellowreglunnar.

Golfklúbbarnir vinna að sameiginlegu markmiði, hafa alltaf gert og munu áfram gera. Við í GOF hlökkum til þeirrar áframhaldandi samvinnu í þeim stórhuga framkvæmdum sem framundan eru um stækkun vallarins í 27 holur. Það er verðugt verkefni fyrir klúbbanna og eigandann.

Með kærri kveðju frá Róm,

Hlöðver Kjartansson

formaður Golfklúbbs Oddfellowa.