Afreksstarf meistaraflokka kvenna og karla
Reglur við val í keppnissveitir meistaraflokka kvenna og karla
8 / 9 kylfinga sveit:
Efstu þrír/þrjár í Meistaramóti GO mfl. karla og mfl. kvenna skipa fyrstu þrjú sæti.
Efstu þrír leikmenn í Mótaröð fyrir val í keppnissveit* skipa næstu þrjú sæti.
Síðustu tvö / þrjú sætin í sveitina eru valin af afreksnefnd og þjálfurum.
6 kylfinga sveit:
Efstu tveir/tvær í Meistaramóti GO mfl. karla og mfl. kvenna skipa fyrstu tvö sætin.
Efstu tveir leikmenn í Mótaröð fyrir val í keppnissveit* skipa næstu tvö sæti.
Síðustu tvö sætin í sveitina eru valin af afreksnefnd og þjálfurum.
Verði sömu leikmenn í efstu sætum í þeim mótum sem velja skal úr, mun afreksnefnd og þjálfarar velja þá leikmenn sem skipa skulu sveit til að fylla upp í keppnissveit. Horfa skal fyrst til meistaramóts GO við val.
Mótaröð fyrir val í keppnissveit *
Skilyrði fyrir þátttöku er að kylfingar skulu gefa kost á sér í keppnissveit á Íslandsmóti Golfklúbba hafni þeir í einu af efstu sætunum eins og valið er um í hverjum flokki.
Meistaraflokkur karla – Íslandsmótið í ár fer fram í Vestmannaeyjum 16. – 18. Ágúst
Meistaraflokkur kvenna – Íslandsmótið í ár fer fram á Hornafirði GHH, dagana 13. – 15. ágúst
Karlar, forgjöf undir 6,0 hafa þátttökurétt í mótaröð fyrir val í keppnissveit.
Konur, forgjöf undir 10,0 hafa þátttökurétt í mótaröð fyrir val í keppnissveit.
Haldin verða þrjú mót í júlí þar sem tvö mót telja við val í keppnissveit. Til að gæta sanngirni í vali milli Meistaramóts og mótaraðar er lágmarks þátttaka í hverjum hóp þrír leikmenn sem klára skulu 2 mót til stiga svo val gildi. Náist ekki þannig þátttaka, skal velja sæti í sveit þannig að næstu tvö / þrjú sæti koma úr meistaramóti í keppnissveit.
Veitt eru stig fyrir 1. – 10 sæti í hverjum flokki í hverju móti. Samanlögð stig leikmanns úr tveimur bestu mótum raða inn í sæti við val í keppnissveit.
Stigagjöfin:
1. Sæti – 12 stig
2. Sæti – 10 stig
3. Sæti – 8 stig
4. Sæti – 7 stig
5. Sæti – 6 stig
6. Sæti – 5 stig
7. Sæti – 4 stig
8. Sæti – 3 stig
9. Sæti – 2 stig
10. Sæti – 1. Stig
Mótsdagar
- Mót – Laugardaginn 18. Júlí, rástímar frá 07:00, mótstjórn raðar af handahófi á rástíma
- Mót – Fimmtudaginn 23. Júlí, rástímar frá ca. 15:00, mótstjórn raðar af handahófi á rástíma
- Mót – Laugardaginn 25. júlí, rástímar frá 07:00, mótstjórn raðar af handahófi á rástíma
Dagsetning til vara – Föstudaginn 31. Júlí,
Afreksnefnd vill hvetja þá kylfinga sem telja sig eiga erindi í keppnissveitir til að taka þátt í þeim mótum sem gilda til vals í keppnissveitir. Þeim kylfingum sem telja sig eiga heima í æfingahóp er velkomið að vera í sambandi við íþróttastjóra GO iris@oddur.is og málið verður skoðað með viðkomandi leikmanni. Almennt skipa æfingahóp hvers árs þeir leikmenn sem kepptu fyrir golfklúbbinn árið á undan. Til viðbótar í æfingahópa er svo skoðuð forgjöf og nýliðun milli ára og íþróttastjóri velur inn í æfingahópa.