• 1. Object
  • 2. Object

13° - 1 m/sek

565 9092

Staðarreglur á Urriðavelli

Staðarreglur á Urriðavelli 2019

 

Vallarmarkahlutir eru girðingar og hvítar stikur.

  • Lausn án vítis er ekki veitt frá vallarmarkahlutum eða hlutum vallar sem trufla leik.
    (Leika þarf bolta eins og hann liggur eða kaupa lausn, eitt vítahögg skv. Reglu 19).

 

Slegið í rafmagnslínu Regla 14.6.

  • Ef vitað er eða nánast öruggt að bolti leikmanns hitti rafmagnslínu eða staur sem heldur línunni uppi við leik á 2. holu er höggið afturkallað vítalaust. Leikmaðurinn verður að leika að nýju þaðan sem fyrra högg var slegið (sjá reglu 14.6 um hvað eigi að gera).

 

Grund í aðgerð Regla 16.1.

  • Blámerkt svæði. Leika má innan svæðisins en veitt er vítislaus lausn úr grund í aðgerð.
  • Ómerkt skemmd svæði sem liggja upp að vegum og stígum með manngerðu yfirborði teljast samfelldar óeðlilegar vallaraðstæður þegar lausn er tekin samkvæmt reglu 16.1.

 

Verndun ungra trjáa 16.1f.

  • Ung stök tré (ekki runnar) sem eru undir 1m á hæð, eru bannreitir og hluti grundar í aðgerð: Ef bolti leikmanns liggur einhvers staðar á vellinum annars staðar en innan vítasvæðis og boltinn liggur í eða snertir slíkt tré eða slíkt tré truflar stöðu leikmannsins eða fyrirhugað sveiflusvið, verður leikmaðurinn að taka lausn samkvæmt reglu 16.1f.
  • Ef boltinn liggur innan vítasvæðis og truflun er vegna stöðu leikmannsins eða sveiflusviðs af slíku tré verður leikmaðurinn að taka lausn, annaðhvort gegn víti samkvæmt reglu 17.1e eða án vítis samkvæmt reglu 17.1e(2).

 

Samskeyti og jaðrar skorinna grasþakna.

Ef bolti leikmanns liggur í eða snertir samskeyti grastorfa og samskeytin trufla fyrirhugað sveiflusvið leikmannsins:

  • Bolti á almenna svæðinu. Leikmaðurinn má taka lausn samkvæmt reglu 16.1b.
  • Bolti á flötinni. Leikmaðurinn má taka lausn samkvæmt reglu 16.1d. Þó er truflun ekki fyrir hendi ef samskeytin trufla einungis stöðu leikmannsins.
  • Öll samskeyti innan sama svæðis tyrfingar teljast sömu samskeytin þegar lausn er tekin. Þetta merkir að ef leikmaður hefur truflun frá einhverjum samskeytanna eftir að hafa látið boltann falla verður leikmaðurinn að fara að eins og fram kemur í reglu 14.3c(2), jafnvel þótt boltinn liggi innan einnar kylfulengdar frá viðmiðunarstaðnum.

 

Eftirtaldir hlutir eru hreyfanlegar hindranir (Regla 15.2).

  • Grænar stikur ásamt kaðli til að stýra umferð.

 

Eftirtaldir hlutir á vellinum eru óhreyfanlegar hindranir sem lausn er veitt frá samkvæmt reglu 16.1.

 

·       Fjarlægðarmerkingar ·       Auglýsingaflögg og skilti
·       Ofaníbornir vegir og stígar

·       Ruslafötur, bekkir og kúluþvottastandar

·       Jarðfastir steinar á snöggslegnu svæði á leið.

·       Ræsi og malarsvæði milli 10. og 11. brautar

   

 

Óhreyfanlegar hindranir nærri flöt.

  • Veitt er lausn skv. 16.1 ef bolti leikmanns er innan tveggja kylfulengda frá óhreyfanlegri hindrun (t.d. vatnsdreifikerfi) sem er innan tveggja kylfulengda frá flötinni.

 

Fallreitir eru viðbótarvalkostur

  • Aftan við flötina á 6. holu vegna þjónustuvegar.

 

Leiðbeinandi viðmið vegna leikhraða!  

  • Klukkur staðsettar við 6. og 15. teig eru stilltar þannig að þær sýni rástíma hópsins
    þegar þangað er komið ef leikur er skv. áætlun eða frávik ef einhver eru.

Leika skal samkvæmt golfreglum “Rules of golf as approved by R&A Limited and The United States Golf Association”.

Víti fyrir að leika bolta í bága við staðarreglur: Almennt víti