Frábærri Bændaglímu lokið

Bændaglíma GO árið 2015 fór fram síðastliðinn laugardag. Aðstæður voru mjög góðar og Urriðavöllur skartaði sínu fegursta. Keppni var á milli karla og kvenna; Skotar á móti Senjorítum. Svo fór að lokum að það voru karlarnir sem hrósuðu mögnuðum sigri í Bændaglímunni í ár. Óskum þeim hjartanlega til hamingju!

Keppt er var í fjögurra manna Texas Scramble og voru veitt verðlaun fyrir bestu frammistöðuna hjá körlum og konum. Besta skor hjá konunum var glæsilegt en sveit með Guðmundínu Ragnarsdóttur sem fyrirliða lék samtals á 54 höggum nettó. Það var við hæfi að eiginmaður Guðmundínu, Viggó Sigurðsson, væri fyrirliði besta karlaliðsins sem lék á 59 höggum nettó.

Veitt nándarverðlaun á par 3 brautum Urriðavallar:
14b. braut – Hafsteinn 2,82m
15. braut – Ingibjörg Ingjalds. 1,38m
13. braut – Magnús Ólafsson 3,0m
8. braut – Fanney 1,1m
4. braut – Ingibjörg Ingjalds. 1.41
16. braut – Guðrún Björg 1,35m

Lengstu upphafshögg:
9. braut (konur) – Kristín Gunnarsdóttir
11. braut (karlar) – Haukur Örn Birgisson
12. braut (slaghamar) – Sigurjón Hjaltason

Takk fyrir þátttökuna. Hér að neðan má sjá nokkrar frábærar myndir frá Bændaglímunni. Verðlaunahafar geta nálgast verðlaun sín í afgreiðslunni á Urriðavelli síðar í vikunni.