Kári Sölmundarson endurkjörinn formaður GO

Á aðalfundi GO 3. desember 2020 var Kári H. Sölmundarson endurkjörinn formaður Golfklúbbsins Odds. Framboð til stjórnar var auglýst skv. lögum klúbbsins og klúbbnum bárust engin framboð frá öðrum en sitjandi stjórnarmönnum og því hlaut fyrrverandi stjórn öll endurkjör á aðalfundinum. Í stjórn GO 2020/2021 sitja því áfram Kári H. Sölmundarson formaður, til tveggja ára skv. kosningu Ægir Vopni Ármannsson og Auðunn Örn Gylfason og í varastjórn Jón S. Garðarsson. Fyrir í stjórn sitja áfram til eins árs Halla Hallgrímsdóttir og Berglind Rut Hilmarsdóttir.