Keppnissveitir GO luku keppni á Íslandsmótum golfklúbba um helgina

Um helgina kláraðist Íslandsmót Golfklúbba í 50 + flokkum þar sem við áttum fulltrúa í Kirkjubólsvelli í Sandgerði, karlasveit GO og Hólmsvelli á Suðurnesjum þar sem kvennasveit GO lék listir sínar. 

Kvennasveit GO átti virkilega flott mót, fyrsti leikur var við Nesklúbbinn og tapaðist sá leikur naumlega 3/2, í annari umferð kom flottur sigur á liði GM 4/1 og í lokaumferðinni mættu okkar konur liði GK en þar voru Keiliskonur mun sterkari og endaði sá leikur 4,5 – 0,5.
Að lokinni riðlakeppni var því okkar hlutskipti að leika um 5 – 8. sæti, inn í þá riðlakeppni tók liðið okkar sigur á móti GM og okkar konur fylgdu því eftir með sterkum sigrum á liði GV og liði Leynis og tryggði sér öruggt 5. sæti með 3 flotta sigra farteskinu. 

Karlasveit GO háði mikla baráttu við sterk lið í Sandgerði, vallaraðstæður voru virkilega flottar og völlurinn í flottu standi. Í riðli með okkar köppum voru lið Nesklúbbsins, Keilis og Selfoss. Fyrsti leikur við lið Nesklúbbsins tapaðist naumlega 3/2, í öðrum leik mættu okkar kappar liði Keilis og þar fóru Keilismenn með öruggan sigur 5 – 0 og í þriðja leik riðilsins mættu okkar menn Selfyssingum og sá leikur endaði jafn 2,5/2,5 . Það var því ljóst að okkar menn tækju með sér 0,5 vinning inn í úrslitariðil um 5 – 8. sæti. Fyrst mættu okkar menn liði GM og í hörkuleik féll leikurinn GM megin og úrslitin 3,5 / 1,5 og því ljóst að allt var undir í lokaleik mótsins hjá okkar mönnum við lið heimamanna í GSG, eftir hörkubaráttu og lokaleik sem fór á 18 holu enduðu leikar jafnir sem dugði okkar mönnum því miður ekki til að halda sæti í deildinni og því fall niðurstaðan í ár þar sem vantaði upp á innbyrðis sigra á móti GM sem voru með jafn mörg stig og okkar menn.