Nýtt parket í golfskálanum

Um helgina var skipt um gólfefni í golfskálanum á Urriðavelli. Skipt var um parket og er óhætt að segja að útkoman sé glæsileg. Um tímabæra framkvæmd var að ræða því eldra parketið var orðið gamalt og farið að láta á sjá.

Baldur Hólmsteinsson og Nikulás Jónsson stýrðu framkvæmdum ásamt Þorvaldi Þorsteinssyni framkvæmdastjóra GO. Vel tókst til og ríkir töluverð ánægja með nýja gólfefnið setur skemmtilegan blæ á okkar glæsilega klúbbhús. Gólfefnið var fengið úr Birgisson og þökkum við þeim fyrir samstarfið.