Ræst verður út á 10. teig frá og með 1. september

Tryggvi Ölver vallarstjóri hefur ákveðið að nauðsynlegt sé að snúa golfvellinum á þann hátt að allir bókaðir rástímar hefjist á 10. teig frá og með 1. september. Nokkuð er farið að sjá á fyrri hluta vallarins og því er nauðsynlegt að snúa vellinum á þessari stundu og vill vallarstjóri ítreka að öll umferð á rástímum skal hefja leik á 10. teig.  Starfsmenn í afgreiðslu eru beðnir um að fylgja þessu hart eftir og því viljum við biðja félagsmenn um að sýna þessu skilning og vinna með okkur í því að viðhalda Urriðavelli í sem bestu ástandi eins lengi og unnt er.