Rástímagolfmót – Styrktardagar fyrir keppnissveitir GO
02/08/2018
Við ætlum að prófa nýtt fyrirkomulag í mótahaldi um helgina til að safna styrkjum fyrir keppnissveitir GO sem keppa fyrir okkar hönd á Íslandsmóti golfklúbba nú í ágústmánuði og bjóða þeim sem skrá sig á almenna rástíma um helgina þ.e. föstudag, laugardag og sunnudag að greiða 1000 kr. í þátttökugjald og skila inn skorkorti að loknum hringnum og taka þannig þátt í golfmóti.
Hver og einn getur ákveðið að taka þátt alla dagana ef viðkomandi á rástíma og gildir þá bara besti hringurinn og tilgangur með mótinu er í raun aðallega sá að bjóða félagsmönnum og gestum að styrkja okkar keppnissveitir án þess að við séum að taka frá tíma í sér golfmót til þess.
Veitt verða góð verðlaun fyrir efstu sætin, dregið verður úr skorkortum og því ætti þetta að vera góð skemmtun í félagsskap að eigin vali og við hvetjum ykkur til að prófa og styrkja um leið okkar keppnisfólk.
Nánar um fyrirkomulagið:
Þetta virkar svona: Kylfingur skráir sig á hefbundin hátt á rástíma þessa daga og tilkynnir í afgreiðslu áður en leikið er að hann ætli að taka þátt í styrkarmótinu. Þátttökugjaldið er aðeins 1000 kr. (ef kylfingur vill styrkja sveitirinar okkar með hærri upphæð er það leyfilegt).
Ef kylfingur vill leika alla dagana þá gerir hann eins og 1. daginn hann tilkynnir að hann vilji taka þátt og greiðir þátttökugjald áður en leikur hefst. Sá hringur sem gefur kylfingi flesta punkta gildir.
Mótsfyrirkomulagið er 9 holu og 18 holu punktakeppni með hámarksforgjöf 37 hjá körlum og 40 hjá konum. Kylfingar geta valið að leika í 9 holu móti eða 18 holu móti.
Mótsgjaldið er að lágmarki 1000 kr.
Veitt verða viðurkenningar fyrir 3 efstu sætin bæði fyrir 9 holur og 18 holur.
Kylfingur þarf að skila kortinu sínu í afgreiðslu undirritað bæði af sér og ritara.
ATH: Það þarf ekki að skrá sig í mótið hér í mótaskrá við munum skrá kylfinga inn í mótið. Mótið er búið til hér með rástímum frá kl. 19 – 23 föstudaginn 3. ágúst svo að við getum skráð skor kylfinga inn. Mótin gilda til forgjafar.
Mótsstjórn og dómarar: Svavar Geir Svavarsson, Laufey Sigurðardóttir og Valdimar L Júlíusson.