Úrslit í 17. júní Greensome Gleði GO

Það var leikið stórgott golf í 17. júní blíðunni á Urriðavelli í dag og baráttan um efstu sætin hörð. Alls mættu 56 lið til leiks og leiktíminn var stórgóður og eða rétt um 4 klst og þegar mætt var í skála var tónlist og funheitt grill í gangi og gengið beint í góða grillveislu. 

Veitt voru verðlaun fyrir efstu þrjú sætin í höggleik með forgjöf og nándarverðlaun á par 3 holum vallarins ásamt því að sleggjur dagsins fengu að sýna sig í karla og kvennaflokki með lengstu teighöggum dagsins. 

Sigurvegarar mótsins voru þau Rósa Ágústsdóttir Morthens og Steinn Árni Ásgeirsson sem léku á -10 höggum undir pari, 82 högg og forgjöf þeirra var 21.
Annað sætið féll í skaut Hlíf Hansen og Ásbjörns Björnssonar  sem komu í hús á -9 höggum undir pari, 89 slegin högg og forgjöf þeirra var 27 högg.
Þriðja sæti náðu svo Erna Björg Sigurðardóttir og Elva Björk Sigurðardóttir sem léku einnig á -9 höggum en þá verri seinni 9, alls slegin högg 89 og forgjöf 27

Lengsta teighögg karla – Skúli Ágúst Arnarson
Lengsta teighögg kvenna – Ágústa Arna Grétarsdóttir

Næst holu á 4. braut- Pétur Már Finnsson
Næst holu á 8. braut Hafdís Steinþórsdóttir
Næst holu á 13. braut Anna María Sigurðardóttir
Næst holu á 15. braut Magnhildur Baldursdóttir