• 1. Object
  • 2. Object

0.7° - ANA 2 m/s

585 0050

Book Tee Times

VIÐ OPNUM VALLARSVÆÐIÐ, URRIÐAVÖLL OG LJÚFLING laugardaginn 8. maí klukkan 10:00

Það er komið að stóru stundinni – Golfvallarsvæðið hjá okkur hér á Urriðavelli opnar loksins klukkan 10:00 næstkomandi laugardag 8. maí og hefst veislan á Urriðavelli með opnunarmóti GO 2021. Á sama tíma opnar Ljúflingur, æfinga og púttflatir og veitingasalan okkar hérna á Urriðavelli. Sannkölluð hátíðarstund.

Bókun í opnunarmót GO 2021 hefst klukkan 12:00 miðvikudaginn 5. maí og fer bókun fram á golf.is, í appinu og einnig er hægt að hafa samband við afgreiðslu þegar skráning hefst.
Við vonum að golfbox kerfið ráði við álagið, hægt er að bóka fleiri en einn á sama rástíma í mótið en þá verður viðkomandi að hafa félagsnúmer þess sem á að spila með honum. Númerið ætti að vera á forminu 3-9999, (3) stendur fyrir golfklúbbinn Odd og síðari hlutinn fyrir félagsnúmer viðkomandi kylfings og þar eru allt frá tveimur upp í fjóra tölustafi að ræða. Ef við lendum í vandræðum með kerfið munum við loka fyrir bókanir á netinu og þá verður einungis hægt að skrá í afgreiðslu en við vonum að kerfið klári sig af þessu verkefni.

Þar sem frostaspá er í kortunum næstu vikuna ætlum við að hafa vallarlokun til 10:00 á morgnana svona fyrst um sinn frá opnun og gildir það bæði á Urriðavöll og Ljúfling. Við munum að sjálfsögðu aðlaga okkur að veðuraðstæðum hverju sinni og lokum eða opnum eins og aðstæður segja til um.

Fyrst um sinn verða golfbílar bannaðir en um leið og við sjáum að völlurinn fer að þola umferð þá hleypum við golfbílum af stað en völlurinn er verulega viðkvæmur þessa dagana enda sól, þurrt og næturfrost í kortunum næstu vikuna.

Við almennt spil á Urriðavelli verða í gildi almennar Covid reglur eins og flestir voru farnir að venjast á síðasta ári. Meðal annars er því engar hrífur i glompum, þvottastandar ekki í notkun og svampur í holum svo eitthvað sé nefnt. 

Fjöldatakmarkanir verða í gildi í golfskála skv. gildandi reglum og grímuskylda er í húsinu. Við hvetjum ykkur til að gæta vel að sóttvörnum og stoppa almennt ekki of lengi í húsinu nema þess sé þörf. Góð regla t.d. til að staðfesta mætingu er að nota appið og þá er óþarfi að eyða tíma í það í húsi og hægt versla sér nesti eða fara á salerni í snöggri ferð um húsið.


Rástímabókun fyrir komandi golftímabil hefst klukkan 22:00 fimmtudaginn 6. maí. Reglur um skráningu á rástíma taka nokkrum breytingum í ár og því mikilvægt að kynna sér neðangreint svo allt gangi sem best í upphafi tímabilsins. 

– Félagsmenn geta skráð sig með sex daga fyrirvara.
– Félagsmaður getur verið með að hámarki fjórar virkar skráningar í einu.
– Skráning opnar kl. 22:00 (Félagsmaður sem ætlar að skrá sig í golf á sunnudegi, getur gert það frá mánudagskvöldi)
– Utanfélagsmenn geta skráð sig með þriggja daga fyrirvara.
– Við minnum á að skylda er að staðfesta bókun á rástíma þegar komið er á svæðið, hægt er að nýta golfbox appið, tölvu í golfskála eða fá aðstoð í afgreiðslu en til að minnka álag á starfsfólk þar biðjum við ykkur um að bjarga ykkur sjálf með þennan lið eins og frekast er kostur, það fer einnig gífurlega vel með tilliti til sóttvarna að bjarga ykkur sjálf með þennan lið. 
– Við svokallað “no show” á rástíma áskiljum við okkur rétt til að beita við fyrsta brot áminningu og við annað brot er tímabundin frávísun frá bókun á Urriðavöll.


 Þegar við opnum fyrir skráningu á fimmtudaginn þá verða eftirfarandi dagar aðgengilegir í bókun skv. nýju skráningarkerfi okkar

Föstudagur 7. maí (lokað)
Laugardagur 8. maí (rástímar aðgengilegir eftir mót, c.a. 16:00)
Sunnudagur 9. maí (10:00 – 22:00)
Mánudagur 10. maí (10:00 – 22:00)
Þriðjudagur 11. maí (10:00 – 22:00)
Miðvikudagur 12. maí (10:00 – 22:00)

Athugið að komið getur til frostlokana og þá fellum við niður þá tíma sem það hefur áhrif á og við munum einnig opna fyrir 10:00 ef svo heppilega vill til að það gangi upp. 

< Fleiri fréttir