Við áttum fjóra flotta PGA útskriftarnema sem luku námi í vikunni.

Í gær fór fram útskrift í PGA skólanum á Íslandi þar sem við í Golfklúbbnum Oddi áttum fjóra glæsilega fulltrúa, Hrafnhildi, Auði, Írisi og Arnór sem lagt hafa stund á golfkennaranámið síðustu þrjú ár.

Þau hafa öll komið að okkar íþróttastarfi síðustu ár á einn eða annan hátt.  Við útskriftina flutti Hrafnhildur ávarp nemenda með Birki Þór Baldurssyni sem starfar í dag sem íþróttastjóri á Akranesi en þegar hann hóf námið var hann félagsmaður hér og sinnti kennslu með okkar fólki svo eigum smá hlut í honum og fleiri nemum ef grannt er leitað. 

 

 

 

sem ráðinn var sem íþróttastjóri 2023 en er nú í barneignarleyfi fram á haustið, lét ekki barnsburð og annað sem því fylgir trufla sig að klára námið

og hún verður væntanlega komin á fullt aftur hér í kennslu með haustinu en lætur að sjálfsögðu sjá sig hér í sumar þegar þörf er á.  

 

hefur starfað sem íþróttastjóri í fjarveru Hrafnhildar síðan síðasta haust og áður en það með Hrafnhildi við kennsluna.

Auður hefur samhliða kennslu hér einnig komið sér inn í stjórn PGA á Íslandi.

 

kom hingað einnig fyrir um tveimur árum og hefur sinnt bæði íþróttakennslu og einkakennslu hér síðustu tvö ár samhliða öðrum störfum og námi.

Íris tók að sér að leiða inn í íþróttastarfið hér meiri líkamsþjálfun sem hluta af æfingum í barna og unglingastarfinu og hefur sinnt því með Auði síðustu tvö ár.
Íris situr einnig í stjórn PGA á Íslandi.

 

hefur sinnt kennslu í íþróttastarfinu hér ásamt einkakennslu og gert það samhliða annarri vinnu og margir þekkja hann einnig sem einn af kennurum Golfsögu á Costa Ballena sem er svæði sem eflaust margir félagar í GO þekkja vel.

 

Öll hafa þau svo einnig sinnt ýmsum verkefnum og námskeiðum með Golfakademíu Odds sem Rögnvaldur Magnússon og Phill Hunter hafa stýrt hér í meira en áratug svo það er vissulega mikill auður hér í golfkennurum sem vonandi nýtist vel á næstu árum í stækkandi unglingastarfi og stækkandi golfklúbbi ef allt nær fram að ganga sem unnið er að þessi misserin.