Auglýst eftir framboðum í stjórn

AÐALFUNDUR GO 2025

Kæru félagar, nú styttist í aðalfund Golfklúbbsins Odds sem áætlað er að haldinn verði í golfskálanum í Urriðavatnsdölum laugardaginn 6. desember kl. 11:00.

Kjörnefnd GO auglýsir eftir framboðum í stjórn skv. lögum Golfklúbbsins.

Samkvæmt 10. grein laga GO skulu tilkynningar um framboð til embætta berast skrifstofu Golfklúbbsins Odds, eigi síðar en tveimur vikum fyrir aðalfund.

Á aðalfundi 2025 verður kosið til eftirfarandi embætta

– formanns til eins árs

– tveggja stjórnarmanna til tveggja ára

– tveggja varamanna til eins árs.

Aðalstjórn

Kári H. Sölmundarson, gefur áfram kost á sér til formanns stjórnar

Jón S. Garðarsson og Páll Þórir Pálsson, eru að ljúka 2ja ára stjórnarsetu og gefa kost á sér til áframhaldandi stjórnarstarfa.

Berglind Rut Hilmarsdóttir og Giovanna Steinvör Cuda voru kosnar til 2ja ára stjórnarsetu á aðalfundi 2024 og eru því ekki í kjöri að þessu sinni.

Varastjórn

Guðrún Símonardóttir gefur áfram kost á sér til varamanns í stjórn til eins árs

Ágúst Valgeirsson gefur áfram kost á sér til varamanns í stjórn til eins árs

Kjörnefnd GO,

Gunnar Viðar

Kristjana S. Þorsteinsdóttir

Hilmar Vilhjálmsson

Dagskrá aðalfundar er eftirfarandi:

1. Skýrsla stjórnar um störf og framkvæmdir á liðnu starfsári.
2. Kynning á endurskoðuðum ársreikningi félagsins.
3. Umræður um skýrslu stjórnar og ársreikning sem síðan skal borinn upp til samþykktar.
4. Umræður og atkvæðagreiðsla framkominna tillagna skv. 19. gr. ef einhverjar eru.
5. Afgreiðsla tillagna til lagabreytinga.
6. Ákveðið árgjald og önnur gjöld fyrir næsta starfsár. Fjárhagsáætlun næsta árs kynnt.
7. Kosning stjórnar og varamanna í stjórn.
8. Kosning tveggja skoðunarmanna reikninga og eins til vara.
9. Kosning 3ja manna í kjörnefnd.
10. Önnur málefni ef einhver eru.

Stjórn Golfklúbbsins Odds