Opnunarmót úrslit

Þvílík byrjun á golfsumri hér á Urriðavelli, 20 ° og sól og troðfullt opnunarmót er eitthvað sem við höfum ekki upplifað áður og þessir dagar í kringum opnunina alger veisla í veðri og svæðið ljómaði af lífi. 

Í kvennaflokki léku Ellen Hrefna og Unnur Helga best og komu þær báðar inn á sama skori 38 punktum en Ellen hafði betur í skrifstofubráðabana á seinni 9 holum vallarins. Í þriðja sæti varð svo Ágústa Arna Grétarsdóttir sem einnig hafði betur í skrifstofubráðabana um þriðja sæti við Kristínu B, en þær komu báðar í hús á 35 punktum. 

Í karlaflokki léku Andrés Magnússon og okkar eini sanni Þorvaldur Þorsteinsson best allra og komu þeir í hús með 37 punkta, Andrés hafði betur á seinni 9 holum vallarins og tók því 1. sætið. Í þriðja sæti varð svo Elías Raben á 36 punktum og keppnin þar var að sjálfsögðu hörð en alls voru 5 kappar á 36 punktum en Elías hafði það á síðustu holunum í skrifstofubráðabana. 

Sólveig Guðmundsdóttir lék best í höggleik kvennamegin á 84 höggum.

Gunnar Guðjónsson lék best í höggleik í karlaflokki á 79 höggum.

Verðlaun í mótinu eru inneignir í golfbúðinni á Urriðavelli og hægt verður að nýta inneign þar fljótlega eftir helgina. 
Verðlaun í karla og kvennaflokki:

1. sæti í höggleik og punktakeppni  – 25.000 kr inneign
2. sæti í punktakeppni – 20.000 kr. inneign
3. sæti í punktakeppni – 15.000 kr. inneign

Nándarverðlaun – 10.000 kr. inneign
Lengstu teighögg – 10.000 kr. inneign

18 holu punktakeppni með forgjöf þar sem veitt eru verðlaun fyrir þrjú efstu sætin í karla og kvennaflokki og fyrir besta skor karla og besta skor kvenna í höggleik.

Nándarmælingar eru á brautum:
4 – 8 – 13 og 15
Lengsta teighögg kvenna á 3 braut
​Lengsta teighögg karla á 11 braut.